Page 33 - AVP

actuando riba nan prome cu un incidente mester pasa. Na Aruba no mester di permiso/vergunning pa por habri
un centro di cuido pa 5 of mas mucha dus basicamente e tarea di mayornan ta importante pa sondea bon unda y
cu ken nan jiu ta kedando y si e establecimento ta apto of tin riesgo pa muchanan. Mirando e cifranan
alarmante di neglihencia, maltrato y abuso di mucha leynan asina no mester wordo warda den lachi, si e

Minister encarga di Enseñansa no ta acuerdo cu e ley cu a ser aproba na 2017 cu ta traha cu registro y
vergunning, e Minister mester percura pa bin cu otro proposicion, pero ta tristo y irresponsabel pa Aruba keda
sin un cuadro di ley pa cu centro di cuido di mucha, despues cu a tarda hopi aña pa a logra yega na un

proposicion cu a pasa unanimamente den Parlamento. Hopi centro di cuido lo por cumpli cu e guianan pa un
crèche di calidad pero tin hopi tambe cu tin mas cu 5 mucha, ta na cas di hende,e muchanan ta coriendo
diferente risico, e lugar no ta registra y basicamente ta clandestino. Asina ta tende di casonan di centro di
cuidonan na cas di personanan caminda tin mas familiar ta biba y bishita cu por ta un risico grandi pa e
muchanan. Algun tempo pasa Departamento di Salubridad a laga sa cu nan lo ta bishitando diferente centro di

cuido, pero no a tende mucho mas al respecto. E topico aki mester di su atencion y mirando cu mester un
cuadro di ley vigente pa nombra un inspector encarga cu e centronan di cuido di mucha, e ta importante pa
Minister laga sa ta kiko ta su intencion pa cu e topico aki. Sra Arends-Reyes a comprende cu e Ministerio di

Enseñansa a percura pa 240 mil florin pa bai sondea e posibilidadnan pa decriminalisa e cultivo di cannabis
pero a schuif e postnan di training pa leidsters di crèchenan pa e sociaal crisis plan cu por cierto ta pidi un lista
di aki te Tokyo prome cu pone e fondonan pa e proyectonan disponibel y ta poco poco e proyectonan y
fundacionan cu antes tawata resorta bou di Ministerionan lo por haña nan placa. Asina por wak cu tin un
ineficiencia enorme y miyones di fondonan publico cu ta keda den pot cu te ainda no ta yegando nan

destinacion. Aruba ta birando dia pa dia mas caro y tur dos mayor mester traha y laga nan jiunan na un centro
di cuido di mucha. Tin varios dunador di trabou ta duna un toelage pa yuda paga crèche y tin un mocion
aproba 2 aña pasa cu ta pidi pa mayornan of dunador di trabou por deduci fiscalmente e ayudo pa paga centro

di cuido di mucha. E mayornan mester por traha trankil cu nan jiunan ta den bon man, asina tambe e ta yuda
contribui na nos productividad laboral na Aruba. Cada caso di abuso, maltrato y neglihencia ta un di mas ariba
nos isla y den e caso di implementacion y control pa e centro di cuidonan awor aki ta den man di gobierno sra
Arends-Reyes ta termina bisando.

https://arubanative.com/2019/05/24/parlamentario-jennifer-arends-reyes-gobierno-ta-tardando-
demasiado-pa-e-ley-di-creche-cu-a-ser-aproba-na-2017-drenta-na-vigor/