Page 42 - ATA JAN 6

Ronella Tjie Asjoe-Croes: E aña aki cosnan ta mustra un tiki
mas miho

Thursday, 05 January 2017 20:50
Comparti

Netamente tipo di prueba di locual cu ATA ta haci, con ta haci’e, ta locual a celebra cu binida di
Jetblue. Ta un esfuerso di tres aña unda cu tur hende a traha hunto pa logra esaki, segun CEO
di ATA, Ronella Tjie Asjoe-Croes.

Tin otro ehempelnan di negociacionnan cu ta andando, sigur ideanan concreto cu Aruba tin y
proposicionnan concreto cu ta bin cun’e na mesa. Tin diferente di esakinan, tin diferente di e
regionnan, den continente di Latino America, Europa y tambe Merca cu ta trahando riba nan y
no di awo, pero pa algun aña caba. Un paar cu ta mas cerca di otro, den realidad y otronan cu
ta sigui traha riba nan. Y tur esaki, analisando di unda kier pa bishitantenan bin, cua ta duna,
cua mercadonan ta duna e perfil di e bishitante cu ta cuadra cu e patronchi di gasto cu kier
yega cerca dje y considerando strategia di aerolineanan. Den tur continente tin negociacionnan
andando na e momentonan aki, pa asina atrae diferente mercado.

Pa menciona un ehempel, e mercado di Alemania, for di Hulanda, pensamentonan di vuelo
non stop kisas, pero tambe for di Latino America, ta keda monitoria Brasil, cu lo ta bay ta mas
asiento sigur den 2017, pero cu ta mustrando señal di mehoracion. Por pensa kisas riba un non
stop. Tin e mercado di Mexico, caminda cu tin proposicionnan riba mesa caba pa posibel
nonstop. Tur e cosnan aki ta na su debido momento, lo informa di nan. Si tin avanse y logro
sigur ta comparti esaki. Pero ta parti standard di e trabao di ATA y di e socionan tambe.

E turista cu ta laga menos

Ronella Tjie Asjoe-Croes, ta splica cu si mira consumor confidence, si mira desaroyo economico
na Merca y mirando na Merca, pasobra no tin e cifranan cu por brinda informacio di e otro
continentenan tambe. Tur mercado ta diferencia di kico nan ta duna pa traha cun’e. Pero sigur
aña pasa, por tipifica si como un aña cu, aunke cu otro destinacionnan den Caribe por a mira
crecemento for di e mercado di Merca, sigur el a come for di e ganashi cu hopi di esnan cu ta
opera den sector hotelero of di otro sectornan turistico, locual a nifica pa por a logra e
volumennan ey. Esey por a mira pa Aruba tambe. Ta un cuestion di nos grado di ocupacion a
keda stabil aña pasa den e sector hotelero, pero toch mester a sacrifica den parti di e ganashi,
pues a baha prijs pa por a logra tipo di resultadonan asina ey. Esey sigur den Caribe completo