Page 59 - AHATA updated
P. 59
Rincon y Shiera a declara nan mes culpabel y a suministra na autoridadnan federal di
Merca un cantidad di evidencia y di informacion cu a permiti e Fiscalnan avansa den
varios caso di corupcion relaciona cu PDVSA.
E dos contratistanan, acusa di corupcion y labamento di placa, lo sinta castigo di menos
di 10 aña. Nan a admiti di a paga mas di 1 biyon di dollar Mericano na soborno na
funcionarionan di PDVSA, incluyendo empleadonan di CITGO na Houston y na e top di
e empresa estatal Venezolano.
E documentonan federal ta sigura cu di e fraude enorme di corupcion cu ta pasa un biyon
di dollar, e Fiscalnan federal a yega na 750 miyon dollar Mericano, vincula unicamente
na Roberto Rincon.
E nota firma pa Miller ta bisa cu e informenan di investigacion di pre-sentencia, lo ta
disponibel pa e partidonan desde dia 25 di Juni y e abogadonan por haci nan remarcanan
prome cu dia 9 di Juli 2019. E Hues a fiha dia 23 di Juli pa entrega di tur e mocionnan,
memorandumnan di e sentencia y cartanan di apoyo.
A acusa Rincon y Shiera di conspiracion pa laba placa y violacion di practicanan corupto
den exterior, un ley cu ta prohibi cualkier persona relaciona cu empresanan Norte
Americano pa paga soborno na funcionarionan di gobiernonan stranhero. Pa e caso aki,
tin mas di 15 sospechoso envolvi cu acusacionnan criminal.
https://24ora.com/na-juli-corte-mericano-lo-condena-coruptonan-di-pdvsa-y-
citgo/
