Page 15 - RDA

Prome Minister Eman a anuncia Parke Solar na Seroe
Colorado

Wednesday, 03 May 2017 19:46
Comparti

Despues cu Prome Minister Mike Eman y varios colega a reuni henter mainta cu team di WEB, Refineria
di Aruba y Santa Rosa, a yega na algun decision masha importante pa pueblo di Aruba.

Den un conferencia di prensa cu a sigui despues, a anuncia un proyecto grandi di panelnan solar cu lo
hiba Aruba mas cerca di su meta pa ta completamente sostenibel na 2020.

“Awe mainta nos tabatin un reunion hopi importante entre Gobierno di Aruba, Utilities, WEB, ELMAR,
RDA (Refineria di Aruba) y Santa Rosa. Den e reunion a delibera y dialoga riba dos tema hopi
importante. Uno ta e expansion di e capacidad di energia alternativa na Aruba. Tanto proyeccionnan pa
energia alternativa adicional den e area di energia solar como tambe den e area di molina di biento. “

Asina e mandatario a anuncia un proyecto cu lo cuminsa denter di un periodo relativamente corto, un
parke di panelnan solar cu lo wordo construi na Seroe Colorado. Na final e parke aki lo produci 5.9
Megawatt di coriente, pues mas grandi cu e Parke di panelnan solar na aeropuerto cu ta un di esnan mas
grandi den Caribe. Prome Minister Eman a splica cu WEB NV mes lo ta propietario di e parke aki, cu ta
un inovacion tambe, ya cu den pasado e proyectonan di energia alternativo tabata basa riba e sistema di
“lease”, unda cu e empresa aki tabata cumpra e coriente for di e proveedor. “Awor e lo ta diferente,”
Eman a bisa.

Tambe a delibera con lo sigui expande e produccion di energia alternativa. Riba esaki e mandatario a bisa
cu e perspectivanan ta positivo pa un expansion basta grandi basa riba e sistema solar. Pero tambe tin
plannan pa sigui expande riba e produccion di energia alternativo via e sistema di biento.

Algo cu a bin ta deliberando basta tempo caba riba dje y cu a wordo discuti tambe den e reunion di
diaranson mainta ta reduccion di tarifa di awa pa agricultornan. A logra yega na un entendimento pa un
tarifa sumamente bentahoso pa esnan di e sector aki. “Ora cu yega na e cifra exacto, nos lo informa di
esaki. Pero mi por bisa sigur cu e lo ta un descuento substancial cu lo pone e operacion di agricultornan
bira algo mucho mas factibel financieramente. Nos ta hopi contento cu esaki y mi kier a gradici sr.
Franklin Hoevertsz pa a trece e partidonan hunto,”Eman a expresa.

http://www.24ora.com/index.php?option=com_content&view=article&id=121429:prome-minister-eman-a-anuncia-
parke-solar-na-seroe-colorado&catid=1:local&Itemid=5