Page 22 - HOH

Te Ainda, Nada A Sosode Cu Warda Di Polis Playa,

Pero Awe Atrobe Un Otro Polis A Bira Hopi Malo

 Local
- 20/06/2019

Mester tin algo den e Warda di Polis na Playa, cu a causa cu varios agente policial a bira
malo, pero basta malo. Tin di nan mester a ser manda te Colombia pa busca nan salud.
Autoridadnan, esta Gobierno sa di esaki, a laga haci un investigacion, pero te awe entre
otro SPA no a haya un raport mira y nan no sa kico t’e intencion di Gobierno.

Pa colmo ayera atrobe, segun Presidente di SPA, Jose Dirksz, un colega a bira basta malo
atrobe. SPA awor ta demanda pa di parti di Salubridad Publico pa saca e raportnan traha
pa tur hende sa kico ta pasando.

SPA a manda hasta un peticion pa laga haci un investigacion di control di tur Warda di
Polis, pero te awor ta Warda di Polis di Playa so a keda controla, pero SPA mes no a haya
resultado di esaki. Pero Polis ta sigui bira malo y mester sa kico t’e causa di esaki.