Page 43 - ARUBA BANK

Sinembargo ora cu lesa e rapport bon, por tuma nota cu no tin nada concreto ainda riba

reduccion di gasto, no tin niun paso concreto cu a wordo tuma pa loke ta trata reduccion

di e 12.2 miyon di personal segun recomendacion di CAFT.

E miembro di fraccion di AVP a sigui mustra cu e rapport di CAFT ta bisa den

palabranan cla cu e situacion di deficit lo deteriora si e trend actual di entrada y gastonan

pa aña 2018 keda manteni..

“Gobierno a anuncia cu lo bin cu un reforma fiscal lo lo drenta na vigor den 4 luna. Hasta

cu asistencia di IMF e tempo ta keda limita pa un cambio drastico asina sosode di un

manera responable. Gobierno no a indica kico ta e entradanan adicional cu ta spera di e

reforma fiscal aki. No obstante e asistencia tecnico di IMF cu ta wordo hasi posible door

di donacionan di Reino Hulandes como miembro di e fondo monetario, loke ta keda

preocupante pa e perspectivanan economico. E ultimo ratingnan di Standard & Poor’s y

Fitch Ratings relaciona cu Aruba ta bisa den forma enfatico cu e ‘outlook’ ta negativo.

Esaki no tin nada di haber cu Gobierno pasa of gobernacion nan anterior, pero esey ta e

perspectiva cu bo ta duna pa crecemento economico, pa mehoracion di e cuadro fiscal di
bo pais.

E ‘negative outlooks’ ta confirma un falta di perspetiva economico, un falta di

vision, nos por mira hopi decision ad hoc y te dia di awe ainda nos no a ricibi un

programa di gobernacion y a base di esakinan e decision di Hulanda pa expande

presencia di CAFT aki na Aruba, ta caba di confirma algo cu fraccion di AVP a bin ta

señalando pa algun luna caba. Esaki ta confirma un biaha mas preocupacionnan, no
solamente di fraccion di AVPpero tambe di institutonan financiero, mercado

internacional e preocupacionnan aki cu nos a bin ta trece dilanti,” Parlamentario Richard

Arends a declara.