Page 21 - AWEMAINTA
P. 21
Diaranson, 25 September 2019 AWEMainta 21
Motociclista ta accidente pa despues
lanta y bay for di sitio na pia
DIALUNA merdia Polis a bay dilanti
Royal Plaza Mall, pa un dalmento entre dos
bromer.
Na yegada di Polis di Trafico a bin topa cu
un di e bromernan benta un banda.
Informacion haya n’e sitio a indica cu e otro
bromer, un Harley Davidson a para pa laga
turistanan crusa caya. Mientras cu e tabata
para un otro bromer a yega dal su tras y
cay.
Aki ta unda e motoclista cu a cay y alabes
esun cu a ocasiona e dalmento kier a busca
problema, pues e lo kier a bringa.
Despues posiblemente di a scucha cu Polis
ta na caminda, el a core bay di sitio, lagando
su bromer atras.
No ta conoci pakico e motociclista a core bay
di e sitio. Posiblemente e bromer lo por ta
horta of lo ta trata di un persona indocu-
menta.
En todo caso e bromer a wordo confisca.
