Page 15 - AWEMAINTA

Dialuna, 13 Augustus 2018 AWEMainta 15

Chauffeur burachi a pasa dal auto staciona

DIASABRA algo prome cu 4 ‘or y mey,
presencia di polis ta wordo pidi na un accidente
den Dominicannessestraat.
Un homber bou influencia tabata manehando
un Jeep Wrangler, bayendo direccion pariba
na altura di Rosa College, ta pasa dal un
pickup staciona banda di cura di Rosa College,
causando basta daño material na Ford pick
up. E chauffeur di e Wrangler a keda deteni pa
stuur auto bou inlfluencia.
Cu transportwagen di polis ela wordo transporta
pa warda.

Anciano a pega cu

cuminda y fayece

DIASABRA den careda di 8’or y 45 di anochi,
Polis y Ambulance ta wordo manda cu urgencia
na un adres na Balashi, caminda un persona lo
a pega cu pida pan y no tabata duna señal di
bida mas.
Na yegada enberdad nan a nota cu e homber
di 75 aña, ya no tabata duna señal di bida mas.
Aparentemente e lo tabata sinta ta come y
papia y na dado momento el a pega cu un pida,
cu resultado fatal pa su persona.
Mesora a pidi pa un Dokter y polis na e sitio a
pidi tambe pa presencia di slachtofferhulp pa
asisti e famia den nan dolor.
Na famianan di e fayecido AWEMainta ta
manda palabra di condolencia.