Page 3 - BRANDWEER 24 DEC 2016

Mantene bo mes na regla

pa preveni un tristesa na

cas

Published on December 23, 2016 in Local
ORANJESTAD, Aruba

Nos ta den e fin di siman di Pasco y ta conoci cu hopi hende ta cushina diferente cuminda cu ta
relaciona cu e temporada. Tambe tin hopi bendemento di cuminda. Sinembargo tin varios regla
cu mester tene cuenta cu ne. Ferdinand Ponson di Brandweer Aruba kier recorda tur hende cu e
temporada aki di experiencia sa cu hopi hende ta pura y kier haci diferente cos na e mes un
momento, pero tin di nan ta resulta bon y tin di nan no. Den pasado tin hasta personanan ta sali
bay for di cas pa bay misa y laga e stoof cendi y despues di algun ora ta haya un mal noticia di
loke ta pasando. Esaki ta situacionnan cu Brandweer kier preveni . Tambe den cas hopi hende ta
gusta cende bela henter aña , pero pa e temporada aki nan ta cende mas cu loke nan ta custuma di
cende den aña, esaki tambe tin su consecuencianan. Importante ta cu si bo no ta na cas no laga
bela cendi y semper bay pone un scoter cu awa den dje pa asina si e bela rementa mes e candela
ta paga mesora. Ponson ta conseha pa no pone e bela cerca di kersboom,cortina, cama of sofa. E
conseho ta pa pone e bela semper den un distancia cu e no ta yega facil na ningun obheto. Pa e
weekend largo aki brandweer ta full prepara y tin tur material pa ta prepara na momento cu si
mester sali pa un urgencia. Cuerpo di Bombero Aruba ta desea e Pueblo di Aruba un bon Pasco y
ta save pa e fin di siman di fiesta cu nos tin nos dilanti.