Page 43 - FDLP

Campeonato 2019/2020 Dedica N’e Gran

Personahenan Di Futbol Mario “Mai” Figaroa Ta Un

Pilar Pa Deportivo Nacional

 Deporte
- 26/09/2019

E di 3 persona cu Federcion di Futbol Arubano (AVB) ta dirigi e Campeonato 2019/2020
di Division Honor na dje ta Mario “Mai” Figaroa. E tin un trayecto largo den futbol y e ta
cu Deportivo Nacional pa 50 aña.

Mario Figaroa t’e yiu mayor di Alberto y Petroinali Figaroa. E ta casa cu e yiu mayor di
Frans Figaroa, esta Mildred Figaroa pa 48 aña. Nan tin 2 yiu cu ta Lisa y Marc Figaroa y
un nieta yama Nina. Pa 44 aña el a dedica na su trabou cu Elmar.

E ta un di e fundadonan di Deportivo Nacional, cual a keda funda dia 15 di maart 1970.
For di momento cu a funda Deportivo Nacional, Mario t’e tesorero. Den su funcion Mai
ta un persona hopi streng y corecto, pero masha poco e ta haci joke.

Na momeneto cu Mai a haci 60 aña, el a baha cu pensioen y a bira poco mas joker cu e
trabou cu semper el a dedica na dje.