Page 23 - ATA

Premier Mike Eman: Coleganan trahando incansablemente
pa trece partnernan bek despues cu a causa crisis entre esnan

den Turismo

Tuesday, 31 January 2017 17:06
Comparti

Prome Minister Mike Eman a splica cu su colega Minister de Meza ta trahando incansablemente,
treciendo tur e partnernan bek, pasobra nan a plama un poco for di otro, na momento cu tabata tin hopi
discusion, discordia, polarisacion.

Por mira con minister de Meza, treciendo e partnernan bek hunto, ATA, AHATA bek na mesa, sintando
hunto cu ATIA, hunto cu Asociacion di Bankeronan, pa trece tur hende bek riba un liña, despues di un
periodo basta turbulento den turismo, pa percura pa e crecemento di turismo por reanuda atrobe,
despues cu aña pasa, cu el a pasa den momento di polarisacion y hopi friccion. Por ta tabata evitabel of
no evitabel. E tema tabata uno complica. Pero tin cu mira padilanti. Tin un minister cu ta bay haci e
trabao aki cu un boluntad positivo y e por conta cu e apoyo di e prome minister. E ta dun'e e espacio
tambe pa por saca un man pa institutonan por bin hunto, manera cu a haci semper den dialogo social.
Algo cu semper el a purba di articula den direccion tambe di otro coleganan, pa corda semper cu e
gobierno aki su forma di tuma decisionnan importante ta den dialogo, e partinan social. No door di dicta
of impone, pero door di dialoga cu e partnernan. Esey ta algo hopi importante cu den turismo a bay poco
perdi aña pasa, pero ta recuperando esey y ta mira tur partner ta biniendo bek na mesa y esey ta bay yuda
hopi den e crecemento economico den e aña cu ta bin aki tambe. Cinco area di inversion Tanto e parti di
refineria, pero tambe esun di turismo y e cinco areanan di inversion nobo cu minister Arends a anuncia
caba, cu tin rond di henter e edificio di hospital nobo.

Henter un area cu ta brinda hopi oportunidad. Rond di waf na Playa tambe tin hopi oportunidad nobo,
pasobra e containerhaven a bay pariba. Rond di e area tambe di Barcadera y Smart Community tambe na
Kibaima. Rond di e refineria, rond di Green Corridor, rond di Watty Vos Boulevard, tur e areanan aki ta
presta pa inversionnan nobo cu por traduci den bienestar social. Mira con e bida ta cambiando di Pos
Chikito pa Savaneta pa Cura Cabay. E minister a mira con den Bernhardstraat dilanti tur e casnan, acera
ta wordo poni. Henter e infrastructura ta bira agradabel pa e personanan. E trabao aki a cuminsa caba na
Pos Chikito, Savaneta, Cura Cabay. Canchanan deportivo ta biniendo tambe pa hobennan, parkenan pa
nos hendenan grandi por sinta. Luganan di cana na Pos Chikito, Savaneta, te cu San Nicolas. Un fietspad.
Un desaroyo hopi grandi y hopi positivo cu ta den desaroyo na e momentonan aki, tanto
economicamente, fisicamente y socialmente, segun prome minister.