Page 27 - CMB_Neat

Ey bo ta mira ora cu Banco of Autoridad no emiti boletin oficial, con informe falso ta
cuminza circula. Hasta Asociacion di Banconan a core bisa cu nada a pasa y cu tur cos
ta safe.

Pero a resulta cu di berdad tin un Banco cu a bira victima di Skimming.

Segun Lito Lacle, vocero di polis, un banco local a entrega un keho cu lo tin personanan
cu probablemente lo ta poniendo cierto aparatonan riba ATM machine.

Di biaha Recherche a bay over na investigacion, pa asina pone man ariba e
malhechornan. Pa mas o menos 5’or di Diahuebs atardi, grenspolitie ta pone man ariba
e sospechoso, ta trece warda warda pa mas investigacion.

Diahuebs anochi banda di 10:00 pm, a pone man ariba e di dos sospechoso y tambe un
auto a worde tuma den beslag.

Pa locual ta si a haya algo ariba e sospechosonan, Sr. Lacle a informa cu e no ta
autorisa pa duna informacionnan adicional, mas bien e por duna informacion di cantidad
di personanan deteni, etc.

Sr. Lito Lacle a sigui bisa cu tarea di Cuerpo Policial y di Recherche, ora cu nan ricibi un
keho, nan ta bay over na haci e investigacion bou liderato di Ministerio Publico. E biaha
aki, enberdad keho a worde duna, unda cu’n aparato di skimming a worde poni pa saca
informacion di e cliente, cu ta hinca carchi den ATM, pa despues nan ta saca tur e placa

di e cliente.

Ora a haya e informacion aki, a tuma contacto cu Ministerio Publico, unda cu a duna
ordo pa e investigacion. Manera cu esaki a cuminsa, a logra pone man ariba e prome

sospechoso y despues ariba e di dos sospechoso.

E aparatonan aki tin casi mesun forma di e ATM machine. E ta dificil di detecta. Pero si
wak’e bon, e ta algo anormal cu e ATM machine. Paga tino, segun Sr. Lacle. Cuerpo

Policial ta sigui cu e investigacion pa pone man ariba e di tres sospechoso.