Page 6 - ARUBA AIRLINES
P. 6
Avianca a aumenta su vuelonan di 7 pa
11 vuelo pa siman
Posted on 04/24/2017 10:30 pm AST | Updated on 04/24/2017 10:30 pm AST
ORANJESTAD - Avianca a aumenta su vuelonan di 7 pa 11 vuelo pa siman. Asina e
aerolina a informa un dia prome cu su expansion di su buelonan. E aerolinea tin un
relacion cu Aruba di 92 aña, e prome vuelo a yega Aruba na aña 1925. “Ultimo añanan
Avianca a mira un demanda grandi di parti Colombia pa Aruba, no solamente den
turismo pero tambe di ciudadanonan di nacionalidad Colombiano cu ta bishita nan famia.
Pero tambe pa turismo medico Avianca a mira un aumento den e demanda”, asina Jo-
Anne Arends, Air Service Development Manager na Aruba Airport Authority N.V.
(AAA) a duna di conoce.
Tambe ta bin man den man cu Aruba a elimina visa pa Colombia algun tempo atras y ta
mira cu e demanda pa turismo a crece. “Desde siman pasa Avianca a amplia cu 4 vuelo
pa siman. Es decir un vuelo parti mainta, nos tin vuelo parti atardi caba, pero a añadi 4
vuelo mas na nan iterinario cu ta bira 11 vuelo pa siman”.
