Page 34 - FDLP

Parlamentario Endy Croes di MEP a mustra cu e ta hopi preocupa cu e maneho actual di
Fundacion Facilidadnan Deportivo (FFD). Como presidente di e comision fiho di deporte
y cultura e no por para keto man crusa. No solamente nan no ta cumpliendo cu e meta
final esta pa mantene e parkenan deportivo pero tambe tin hopi “leakage” di placa

eyden.

Segun Croes, FFD ainda ta secuestra mescos cu Lotto pa Deporte pa dirigientenan cu
tin stempel berde riba nan cabez. Mescos cu Lotto pa Deporte no tin respet pa

Minister y ta actuando manera nan ta riba un otro isla banda di Aruba. Aunke mayoria
empleado kier sinti e cambio, nan ta bibando ainda den e tormenta como rehen bou di
un Bestuur sin rumbo cu no kier baha.

FFD su directiva ta consisti di 3 representante nombra pa ASU, 3 representante di Lotto
pa Deporte y 3 representante nombra pa Minister di Deporte.

Comprendibel ta cu e 3 representantenan di Lotto y di ASU kendenan ta berde di mes y

no tin e minimo idea pa baha of entrega nan retiro manera un ciudadano comun y
coriente lo actua. Sinembargo e 3 representantenan nombra pa Minister Schwengle
ainda ta keiro den FFD.

Parlamentario Croes ta manda un recomendacion fuerte pa su Minister di Deporte pa
acelera e cambionan necesario den FFD cueste loke cueste. Si bo no kier bay den bon
nos lo percura pa bo bay den malo, segun Croes ta splica. Imposibel un bestuur di FFD
cu no ta funciona ainda ta na poder. Si mester bay corte back asi sera pero Croes no

kier tolera ni un solo dia mas sin mira un cambio.

CONCACAF tin su Nations League andando unda e seleccion local tin di enfrenta
Bermuda dia 9 di September venidero na Aruba.

Pero debi cu tanto Lotto y FFD a laga stadionnan deteriora, awor Aruba tin di bay viaha
pa Curaçao, huur un Stadion na e isla ruman, pa asina hunga cu Bermuda.

Gobierno di AVP a crea un strucctura di FFD unda e payroll ta como 2 miyon pa aña, y
placa mes no tin pa drecha y mantene stadionnan.