Page 6 - AVB
P. 6
Diasabra Awor RCA Ta Topa Scherpenheuvel Di
Corsou Den ABC Cup 2019
Deporte
- 12/08/2019
Soldatnan Tricolor actual Campeon di Aruba lo debuta den e torneo di mas grandi den
Caribe Hulandes. Un torneo cu antes tabata yama Copa Antiyano, a ser rebiba na aña
2018, den e formato nobo.
E Campeon y 2do lugar di cada isla lo topa otro den e sistema di “Un pa Tera Un pa
Lama”.
Di e tres encuentronan lo pasa tres ganador y e mihor #4 pa forma e dos encuentronan di
semi-final diasabra 24 augustus. Tricolores di Aruba, RCA ta topa cu Scherpenheuvel di
Corsou, ekipo cu a perde final diadomingo ultimo vs Vesta na hermana isla.
E wega aki lo tuma lugar na Aruba diasabra awor 17 di augustus pa 8or di anochi den
Centro Deportivo Guillermo Prospero Trinidad. Pa tur hende por tin material pa apoya,
diabierna awor lo tin un Happy Hour na RCA Arena unda lo tin obtenibel e T-Shirt Cora
di Campeon, Jerseys, Caps y mucho mas.
Ban jena stadion n’e colornan Rood Wit Blauw pa apoya nos team Campeon contra di
Corsou. E animacion ta cu “Tamboras de Roque” y Live DJ.
