Page 71 - AVP
P. 71
Ady Thijsen a scoge pa coopera cu Otmar Oduber door di yama un reunion “per direct”.
Tanto e Minister como e Presidente di Parlamento ta parce di a renuncia e posibilidad di
por convence e Parlamentarionan critico cu argumento.
Otro indicacion ta cu Rocco Tjon ta pendiente un biahe priva e siman aki pa Las Vegas y
lo no por tey despues. Ta cu e presion aki den mente, Parlamento awor ta secuestra pa
core pasa e ley aki cu urgencia, al estilo di wega di Poker “all in”, sin tene cuenta cu e
mesun forsamento aki por caba cu e coalicion tambe!
Ta cla cu na e momentonan aki otro instrumentonan ta wordo uza pa convence e
Parlamentarionan y lo ta interesante pa sigui con e Parlamentarionan ta argumenta den un
di e reunionnan di mas critico e aña aki y cu lo tin wowo riba dje di tur banda, tanto na
Aruba como den Reino.
Manera den e buki conoci ‘Animal Farm’, e Parlamentarionan cu ta duda den aproba e
ley na e momentonan aki lo ta wordo puntra door di ‘Squeeler’: “Sigur, compañeronan,
boso no kier pa Mr. Jones regresa?”
https://24ora.com/thijsen-y-oduber-ta-scoge-pa-forsa-bruto-en-bes-di-argumento-pa-convence-mep/
