Page 72 - AHATA

Esaki ta bay ta di 7’or pa 9’or di anochi.

Durante un conferencia di prensa Diamars mainta, presidente di ATIA Michelle de Groot
a anuncia esaki.

El a splica cu e evento aki ta hopi conoci caba bao di e comerciantenan den nos
comunidad.

“E ta un evento caminda cu nos ta trece un topico cu ta alcaso na e momentonan aki”.

“E publico ta inclui comerciantenan y stakeholders di sector publico y priva”.

Esaki segun de Groot, kende a trece dilanti cu e aña aki e tema di e evento ta bay ta
‘Labor with Results-labor productivity in the Caribbean, challenges and opportunities.

E aña aki e orador invita ta e presidente di Caribbean Employers Confederation Wayne

Chen.

Caribbean Employers Confederation ta e organizacion di Caribe cu ta boga pa comercio
y e miembronan ta e asociacionnan di dunadornan di trabao den Caribe.

De Groot a splica cu ATIA ta un di e miembronan.

Chen despues di a gradua na Universidad di West Indies, a cuminza un supermercado

chikito y awendia esaki ta e cadena mas grandi di supermercadonan na Jamaica.

Den pasado Chen a fungi tambe como director di e banco mas grandi di Jamaica, esta
National Comercial Bank.

Actualmente e ta ainda chairman di varios organizacion hopi renombra.

E tema di e aña aki ta bay ta productividad laboral, cu ta un tema cu ta hopi importante

na e momentonan aki, pasobra e ta un di e factornan cu ta afecta crecemento
economico di un pais, segun e presidente di ATIA.