Page 20 - MIN SOC
P. 20
E Forsa Nobo ta boga pa un
crecemento responsabel y di
calidad
19 January, 2017
0
Durante conferencia di prensa di e plataforma politico POR, lider di e
plataforma Otmar Oduber a reaccion ariba informacion treci dilanti di 4000
camber (hotel, condominio, apartamento) cu Gobierno lo a priminti pa bin
cun’e. E plataforma no ta di acuerdo cu e decision aki mirando cu e
consecuencianan negativo pa nos isla riba diferente tereno por ta hopi grandi,
Oduber ta splica.
“Mi kier bisa enfaticamente cu esaki tabata un di e problemanan principal cu a
pone e hemchi bay over na november ultimo.
Decisionnan tabata cay den otorgamento di terenonan cu no ta beneficia Pais
Aruba. E tabata en pugna cu e maneho di Gobierno pa subi calidad y Rev Par
(entrada pa camber disponibel) aki na Aruba. E maneho aki a bin pa na cierto
momento logra miho salarionan pa e trahadonan den e industria aki.” E ta
enfatisa: “Mas camber y mas condominio simplemente kiermen cu calidad ta
baha y esaki ta significa cu salarionan no lo subi manera cu nan a subi e ultimo
añanan.”
