Page 21 - FDLP

ATA a lansa campaña publicitario cu

Xander Bogaerts como embahador

Posted on 04/3/2019 6:32 pm AST | Updated on 04/3/2019 6:35 pm AST

ORANJESTAD – Oficina di turismo di Aruba a lansa su campaña cu e Aruba su pelotero
professional Xander Bogaerts e siman aki. E idea ta pa un aña largo, usa Bogaerts como
parti di e campaña, unda cu Bogaerts lo fungi como un embahador pa Aruba, unda cu e ta
promove Aruba y encurasha bishitantenan pa conoce e isla ‘The Xander Way’. Durante
eMajor League Happiness campaign y via un serie di video, Bogaerts ta mustra
fanaticonan deportivo y turista, su ‘Dushi Tera’ . Den e video, bo ta mira Bogaerts na
partinan di Aruba cu e ta gusta, manera beach, San Nicolas, Seroe Colorado Baby Beach,
Zeerovers, y mas. “Nos ta content pa tin un di nos yiunan di tera y pelotero professional
Xander Bogaerts join nos den promove Aruba na e biahero Mericano” Ronella Tjin
Asjoe-Croes, CEO di Aruba Tourism Authority a bisa. Esnan cu kier sigui e campaña,
por haci esaki riba medionan social usando media@arubatourism riba Instagram y
@aruba riba Twitter y e hashtag #XandersAruba pa gana un biahe pa Aruba. Riba e
portal di ATA por mira e videonan tambe, esta aruba.com/xander.