Page 33 - HOSPITAAL

Hospital Cu Enfasis Riba Importancia Di Lechi

Materno

 Featured

 Local
- 05/08/2018

Dr. Horacio E. Oduber Hospital a celebra siman di lechi materno y den cuadro di esaki
Departamento di Maternidad a organisa diferente actividad cu informacion importante pe
nursenan. Desde e aña aki Hospital ta forma parti di World Alliance for Breastfeeding
Action (WABA), unda hunto cu e instancia aki lo sigui informa e mamanan mas over di e
bentaha y importancia di lechi materno.

WABA ta un instancia internacional cu ta traha hunto cu World Health Organization
(WHO) y UNICEF, asina Jelka Gumbs, obstetrie verpleegkundige na Departamento di
Maternidad, a duna di conoce. E instancianan aki tin como meta pa tin un sociedad
saludabel, y nan ta haci esaki pa medio di promove dunamento di lechi materno.

Anualmente Departamento di Maternidad ta duna importancia na Siman di Lechi materno
y e aña aki a haci algo un tiki mas special, mirando cu awo nan ta afilia na e instancia
WABA. E aña aki 154 pais cu ta afilia na WABA a participa den esaki y hospital ta
orguyoso cu Aruba pa ta un isla chikito ta entre e paisnan aki.

Francine Franca, verpleegkunde na Departamento di Maternidad, a duna di conoce cu
durante henter e siman a tene diferente actividad y alabes tres presentacion. E
presentacionnan a ser haci pa Marlene Giel, lactatiekundige cu a toca e tema di leynan
laboral pa cu dunamento di lechi materno. Partera Stephanie Daal a papia tocante e “10