Page 80 - MIN.PAUL CROES JAN 4

Shannon Henriquez di SMAC ta splica con e rutanan y orario
di paradanan principal lo ta

Tuesday, 03 January 2017 21:03
Comparti

Shannon Henriquez a menciona e cambionan di ruta. Fakkel ta e unico parada na Playa cu ta sali for di
Rotonde di Wendy’s y caba na Banco di Caribe.

Pa loke ta trata e otro paradanan na Playa, a bin un cambio y e cambio ta cu e paradanan ta cuminsa na
Aruba Entertainment Center y lo caba na Rotonde Wendy’s. E unico parada cu tin di menciona cu ta
carnaval di mucha na Playa, esaki tambe ta cuminsa na Entertainment Center, pero e lo bira den Adriaan
Lacle Boulevard, bay bek y termina na Aruba Entertainment Center. Esey ta e cambionan pa ruta na
Playa. San Nicolas, tin di bisa cu e rutanan ta conoci caba, cuminsando na Joe Laveist Sport Park y
termina eynan.

E cambio a bin despues cu pa dos aña hunto cu e gruponan di Carnaval a purba e ruta aki. Semper
mester purba algo nobo y e ora ey na final ta tuma un bon decision. Esey a tuma luga. A purba e dos
añanan e ruta di Wendy’s te Entertainment Center y e miho opcion na final ta e ruta original, esta for di
Entertainment Center y caba na Wendy’s. Ta un ruta cu e participantenan mes a opta pe. Tin group
leadersnan pero nan tin cu scucha y tende kico ta e deseo di e participantenan. Esaki tabata e caso. Nan
tabata desea di toch a purba e otro ruta y despues a ripara cu esaki en berdad no ta e miho opcion pa e
participantenan y a dicidi e ora pa bay cuminsa na Aruba Entertainment Center. Tin di bisa cu tur
participante, e feedback cu nan ta super contento cu a bin cu e cambio aki.

Orario

Pa loke ta carnaval grandi na San Nicolas y Playa, ta cuminsa pa 11’or di mainta. Ambos parada ta
cuminsa e ora ey. Pa loke ta carnaval di mucha na San Nicolas y Playa, ta cuminsa pa 2’or di merdia. E ta
mas facil. Tur hende ta keda e ora ey cu esaki den mente. Ambos parada San Nicolas y Playa di Mucha ta
2’or di merdia y Carnaval grandi tanto na San Nicolas como Playa ta cuminsa pa 11’or en punto y esaki ta
un biaha mas, duna e participante cu ta inverti asina hopi placa den nan disfras, e suficiente tempo cu
nan por disfruta di nan parada, pasobra tin ora nos tur sa cu si e parada sali un poco mas laat, e
participante, si ta un ultimo grupo, e chens ta cu ta haya menos chens di disfruta full e parada. E ora ey
esaki tabata un di e miho decisionnan. Hunto cu cuepro Policial, a dicidi esaki pa cos cana netjes. E ora
tur persona ta yega na e final toch na un orario desea, segun Henriquez.

Tin di bisa cu comienso di Carnaval loke tabata 11-11 manera un exito rotundo. A mantene esaki den
Carnival Village. Tabata tin bon banda y desde e dia aki tur persona cu ta acerca SMAC, y hopi persona a
percura caba. Tabata tin e temporada di pasco, pero hopi persona caba tabata bezig caba durante e
periodo aki cu loke ta nan disfras. Carnaval 63 lo ta un biaha mas un di nos bon carnavalnan y ta desea
henter pueblo di Aruba disfruta di e periodo aki. Percura pa e famia, pa e muchanan. Ta hopi solo,
percura pa tin suficiente awa, percura pa tin cuido pa nan y tambe tin di menciona cu e aña aki Carnaval
di Aruba, SMAC lo ta trahando hunto cu FADA. Nan lo forma parti na carnaval di Aruba. Lo wak nan
uniforma na unda nan ta y tambe nan lo ta partiendo sticker pa concientisa pueblo di Aruba.