Page 3 - UTILITIES

Parlamentario Sr. Jeffrey Kelly: Gobierno di AVP ta
percurando pa mas iluminacion den barionan

Tuesday, 14 February 2017 09:28
Comparti

Parlamentario Kelly tabata presente den Tanki Leendert pa presencia e instalacion di luz dor di Prome
Minister Mike Eman. Por a aprecia un grupo grandi di bisiña cu a bini hunto pa mustra aprecio pa e
instalacion di luz. Parlamentario Kelly ta bisa cu su persona a lanta den bario di Tanki Leendert y ta
contento di mira cu partinan caminda cu semper tabata den scuridad awo ta haya iluminacion.

E Parlamentario ta conta cu el a mira e necesidad pa iluminacion ora cu el a cana den Tanki Leendert pa
colecta firma di bisiñanan pa asina trece esaki na atencion di Minister President. Awe esaki a bira
realidad y Kelly ta contento di mira e satisfaccion serca tur e bisiñanan. Gobierno ta cumpliendo cu e
necesidad di barionan rond di Aruba. Poco poco pero sigur tur bario ta bin na beurt. Parlamentario Kelly
ta compronde cu e necesidad y peticionnan ta grandi. Hopi bario a expresa nan necesidad pa iluminacion
y esaki lo yega serca nan tambe. E iluminacion no solamente ta forma parti di trece mas ambiente rond
di casnan sino tambe pa contribui cu e aspecto di seguridad y drecha calidad di bida di nos hendenan. E
trabounan lo sigui pa asina trece progreso den tur skina aki na Aruba. Finalisando Kelly ta manda
palabranan di gradicimento na tur e Ministernan concerni, na Elmar, DTI y Sr. Haime Vingal di oficina
di boBario pa tur e esfuersonan. Pabien bario di Tanki Leendert!