Page 12 - ARUBA AIR
P. 12
IMPACTO ECONOMICO
E introduccion di e vuelo diario aki ta ekivalente na un total di 54,300 asiento aereo pa
aña 2017. Considerando un grado di ocupacion pa vuelo di averahe 85%, y
considerando e patronchi di gasto (on-island spend) averahe pa un turista Mericano
durante su estadia riba nos isla, e introduccion aki ta ekivalente na un impacto
economico di rondo di 50 miyon florin pa 2017.
DEDICACION CONTINUO NA ARUBA SU TURISMO
“A.T.A. den su funcion como e ‘Destination Marketing and Management Organization’ di
Aruba conhuntamento cu socionan manera Ministerio di Turismo, AAA, y AHATA,
semper ta en buskeda di oportunidadnan nobo cu por contribui positivamente na nos
pilar economico principal. Awe nos ta sumamente orguyoso di duna bonbini na e ruta
nobo aki y na tur e bishitantenan cu esaki lo trece. Tur esaki ta danki na e dedicacion
continuo di representantenan di JetBlue, su tripulacion, nos socionan y tambe na A.T.A.
su ekipo cu tabata instrumental pa cu e logro di awe” Sra Tjin Asjoe-Croes ta finalisa.
No obstante retonan cu a bin ta enfrenta den e ultimo aña -manera caida di e mercado
Venezolano y otro impactonan global cu a afecta e industria turistico den Caribe- esaki
ta un logro importante pa Aruba,conforme e strategia di fortificacion y expansion di
A.T.A. pa cu e mercado turistico Mericano.
