Page 10 - MARRIOTT HOTEL
P. 10
Tambe tabatin diferente icebreakers cu a yuda netwerk pa asina cera conoci cu hendenan
nobo. Esaki ta algo cu e participantenan gusta, pasobra e invitadonan tin credibilidad, ta
doño di trabou, pues ta ehecutivonan cu por tuma decision. Na e evento aki ta topa bon
hende cu por confia pa haci negoshi cu nan.
Kawish Misier, separa di ta Presidente di Camara di Comercio, ta tambe e fundado di
Minibar Event den cual e ta purba trece comerciantenan hunto, pa den un esfera informal,
topa otro pa haci negoshi cu otro.
E evento di Minibar na Stellaris Casino a conta tambe cu patrocinio di un photoshoot
profesional di Wings Global Media. Minibar a conta cu un Mojito Bar, un premium open
bar, bon snacks, entretenimento di DJ y hopi bon servicio. Un agradecimento na Bacardi
y Tropical Bottling Company p’e Mojito Bar.
