Page 23 - BRANDWEER DEC 28

Cuerpo di Bombero lo ta activo te e ultimo dia di benta di
klapchi

Tuesday, 27 December 2016 22:42
Comparti

Ferdinand Ponson ta vocero di Cuerpo di bombero y trahando den e seccion di control. Nos a
acerk'e riba un dia importante cual ta 27 di December den oranan tempran di mainta na Wela
, pa asina wak e movecionnan di e containernan di klapchi. Cuerpo di bombero tin un rol
importante. Ponson a splica cu e dia di awe ta un dia di control pa preveni desgracia riba e isla,
ora cu habri e containernan na e puntonan di benta.
Benta den container
Awendia benta ta den container. Den pasado den cualkier supermercado ta bende klapchi.
Segun Ponson cu awo tin un maneho nobo desde 2011 cu asina tur e siguridad a bira miho y no
ta e manera di mas safe si, pero ta trahando riba dje caminda cu nan kier yega. Ta un di e
maneranan di mas safe cu tin.
Cuerpo di Bombero presente
Despues di e dia di awe, for di ora cu a sali for di riba Wela, ta wak si tur e trucknan tin nan
cosnan na ordo. Esey ta parti di e control. Cu ordo kiermen sticker di 1.4 riba dje. Hopi biaha ta
wak cu esaki ta wordo transporta riba caya y si un auto mester accidenta, ora cu Brandweer
yega, nan ta wak cu tin material explosivo den e container e ora por tuma e precaucionnan
necesario. Ora cu nan ta na e punto di benta, ta pasa duna tipnan preventivo pa evita un ke
otro, segun Ponson.
Como bombero mester sa echt kico tin den e trucknan. Tambe tin biahanan cu ta haya cu tin e
trucknan chikito di delivery cu ta riba caya. Ta bon pa ora nan transporta kimico, pa nan pone
sticker riba dje pa wak si mester yega di biaha na e sitio pa mira kico tin aden pa mira con ta
haci e plan di atake.
Cuerpo di Bombero ta controla te ultimo dia di benta y nan lo ta bay ta basta severo. Esaki ta
pasobra esaki por costa bida di hende. Hende por cay den desgracia, etc. E ora nan ta percura
pa ta basta riguroso den e controlnan riba Aruba den e dianan aki, segun Ponson.
Dianan di fiesta cu Cuerpo di bombero
Nos tin dos dia cu pasco a pasa. Segun Ferdinand Ponson, e trucknan a mobilisa basta biaha
riba caya. Pa loke ta casnan na candela, tabata tin dos incidente caminda cu nan a laga cos riba
stof, pero afortunadamente a wak esaki tempran. Brandweer a bay wak un ke otro y tambe
ayera nochi tabata tin un cas bandona na candela den Venezuelastraat.
A bin ta bisa esaki for di basta tempo na hendenan cu ta cushina, vooral den e dianan aki