Page 59 - AHATA

Pueblo Huzga Pa Boso Mes Kende Ta Papiando E

Berdad?

 Local

- 23/07/2019

Gobierno ta lamenta un bes mas cu tin discusion encuanto e aspecto di tipping fee. Esaki
no ta meta di Gobierno y kier preveni cu comunidad ta wordo confundi. Pesey Minister
Otmar Oduber a manda e calculacion haci di accountant independiente pa locual t’e
costonan.

Den e relato interino por mira cu ta: Constata cu prijs inicial calcula dor di accountant pa
tratamento di sushi den environbales tabata 132 florin pa ton (esaki ta pa ton y no
pa baki di sushi) den acuerdo cu EcoGas e prijs aki a bay pa 120 florin pa ton.
Na mesun momento Serlimar a laga prijs pa dera sushi na Sero Teishi na mesun prijs cu
Parkietenbos cu ta 60 florin pa ton.

Tambe por indica cu e combersacion pa locual tin acuerdo entre Serlimar y EcoGas a bay
den bon esfera.

P’e motibo aki Ministerio no ta ful cla dicon tin discusion awor riba esaki. Esaki ta locual
ta wordo referí den contract: 180-60=120 florin pa ton cu ta cobransa di EcoGas na
Serlimar. Mester tene cuenta cu e prijs di 120 tambe ta conta p’cliente di Ecotech
(articulo 9 di contract).