Page 18 - AWEMAINTA

18 AWEMainta Dialuna, 24 December 2018

Fraccion di AVP a cumpli cu entrega

di cuenta anual 2017 di SFM

SIMAN pasa, e Stichting Fractiemedewerker di AVP

a cumpli cu su deber di entrega cuenta anual 2017 na

Presidente di Parlamento mr. Ady Thijsen.
E entrega a wordo haci dor di drs. Mervin Wyatt Ras,

kende ta Presidente di e Stichting.
Den e cuenta anual ta duna un relato di tur e subsidio

cu e Stichting aki ta ricibi for di Parlamento, pa por con-

tracta fractiemedewerker cu ta yuda nan den nan trabou
diario.

Den e relato aki mester duna detaye di tur loke a haci cu

e placa te n’e ultimo cen.

E suma aki ta wordo uza dor di e fraccion pa contracta

personanan cu ta duna un man den nan trabou diario,
pero tambe cu experticio p.e. ora di traha mocionnan. E

ta un suma cu tur fraccion den Parlamento ta ricibi.
“Como cu ta trata di un subsidio,nos ta haya cu nos

mester cumpli cu nos responsabilidad di duna cuenta

di kico a wordo haci cu e placa y esaki nos a bin ta ha-
ciendo desde cu ta haya e subsidio aki,” drs. Wyatt Ras

a splica.

Fractiemedewerker no ta algo cu a wordo inventa na
Aruba y tur pais cu tin Parlamento tin esaki. Na Hu-

landa p.e. cada Parlamentario tin diferente colaborador
pa yuda nan haci nan administracion, traha riba cambi-

onan di ley y na Corsou tambe e t’asina.

Na Aruba e ta diferente, esta cada Parlamentario no tin
un hende, pero tin colaboradornan pa henter e fraccion.

Si t’asina cu ta trahando pa amplia esaki, mirando cu
tin varios ley pa traha riba dje, y concepto cu mester

duna “feed back” den cual ta importante pa tin profe-

sional pa yuda nan den esaki.
Di e forma aki e calidad di Parlamento lo subi tambe.

E Presidente di SFM a wordo compania pa Secretario y
Tesorero, Robert Candelaria y Richard Arends.