Page 5 - AWEMAINTA
P. 5
Dialuna, 24 December 2018 AWEMainta 5
Homber victima di atraco,
dos atracador a baha na
awa cu su salario completo
DIASABRA den oranan di madruga, Polis ta wordo manda pa un
caso di un atraco arma na Bushiri.
Na yegada nan ta topa cu un homber, kende ta declara cu despues
di un dia di trabou, e tabata canando bay su cas y na altura di e
Gayero na Bushiri, e ta wordo atraca pa dos homber arma. E dos
hombernan a yega riba un scooter y nan a exigi tur su pertenencia
for di dje, e homber no por a haci nada otro cu obedece y a duna
nan tur su pertenencia.
Den su pertenencianan lamentabelmente tabatin su salario di luna.
Un situacion hopi tristo, pasobra e homber a traha henter un luna
honestamente, cu sodo di su frenta, pa su salario anto pa den al-
gun seconde el a perde full su salario. E mas tristo ta, den porta di
e dianan di fiesta.
Segun e homber a splica cu e dos atracadoran, un tabatin un
sweater shinishi bisti cu Aruba scirbi na cora y carson preto. E otro
atracador tabata full na preto, tur dos tabata cara tapa.
