Page 16 - HOH
P. 16
BLOEDBANK CU OPENDAG
RIBA DIA MUNDIAL DI
DONANTE
10 June, 2019, 11:59 am
Tur aña riba dia 14 di Juni, paisnan rond mundo ta celebra Dia Mundial di Donante di
Sanger. E dia aki a wordo estableci desde 2014 pa por trece conscientisacion na
comunidadnan y tambe na mundo henter riba e importancia pa tin sanger di calidad,
sanger di nivel halto, pa por salba bida.
E instancia encarga cu esaki na Aruba ta “Stichting Bloedbank”. Pa por yega na e sanger
y e cantidad necesario pa salba bida, mester di donantenan di sanger.
Stichting Bloedbank tin mester di donante y esnan cu ta desea pa bira un donante, por
acudi semper na Bloedbank pa cuminsa cu e proceso aki, Jurette Croes, PR di
Departamento di Salud Publico a splica den e conferencia di dialuna mainta.
STICHTING BLOEDBANK ARUBA
Den e conferencia di prensa tabata presente Fabian Werleman di Bloedbank, kende ta
invita tur hende pa diabierna awo, dia 14 di Juni, cual ta dia Internacional di Donante di
Sanger pa bin na nan opendag. Aki ta bay demostra kico tur ta haci cu e sanger cu ta
duna.
Tambe nan kier mustra riba e ultimo desaroyonan cu tabata tin na banco di sanger,
p’asina trece un producto di calidad halto pa e pashentnan, segun e standardnan
internacional cu tin.
