Page 22 - HOH

Tambe nan kier mustra riba e ultimo desaroyonan cu tabata tin na banco di sanger, pa
asina trece un producto di calidad halto pa e pashentnan, segun e standardnan
internacional cu tin.

Bloedbank Aruba tin 1600 donante cu ta activo, cu ta dunando sanger, cu ta sosteniendo
un pueblo di tiki mas di 100 mil habitante. Werleman ta desea pa por hisa e cantidad di e
donantenan. Ultimo aña, banco di sanger a inverti hopi den hisa nan calidad den forma di
aparatura. Tambe nan a cambia nan sistema di dunamento di sanger pa un sistema cu ta
produci productonan mas halto. Tambe a bin cu un aparato cu yama Mirasol, cu ta un
aparato cu ta mata tur virus cu por ta den e producto. Por menciona manera virusnan di
Zika, Chikungunya. Tambe Werleman a menciona di un otro desaroyo, cual ta e
programa nobo cu a cuminsa cun’e na 2 di December 2018. A cuminsa cu un programa
cu yama Idelfin, cual ta un programa cu ta monitorea e sanger for di ora cu e wordo duna,
te ora cu keda cla pa bay na e pashent. Ta un adelanto masha grandi mes pa banco di
sanger.

Opendag

Di 9’or di mainta pa 3’or di atardi, ta invita un y tur pa bay na Bloedbank. Por mira tur
cos. Eynan ta bay tin un rondleiding den Bloedbank., caminda cu por mira e aparatonan,
como tambe e programa di computer nobo y naturalmente esnan cu ta interesa, por bira
miembro, mirando cu ta buscando donantenan nobo. Riba e dia aki por acudi na
Bloedbank, duna informacion y asina aumenta e cantidad di donantenan cu tin.

Finalmente ta felicita tur donante y exdonantenan di sanger riba e dia aki, 14 di Juni, pa e
noble gesto cual nan ta haci.