Page 24 - ATA

Prueba di DIARIO cu no por uza rapport Social Economico

*Prueba cu rapport SER no ta inclui peliger actual pa Aruba

*Raad van Advies no ta mira motibo pa aumento cu 3 porciento

ORANJESTAD(AAN)– E decision pa aumenta sueldo minimo cu 3 porciento, ta motibo pa
comercio local di Aruba bati alarma grandi. DIARIO cu insistencia a mustra cu na e
momentonan aki, cu comercio ta pasa den situacionnan sumamente dramatico mientras
cu mester salvaguardia bienestar di turismo cu ta na peliger creciendo den e situacion

mundial.

Pa por cumpli debidamente cu su deber periodistico, DIARIO a realisa un investigacion
y a studia recomendacionnan oficial riba cual gobierno ta basa su mes pa pone e

situacion actual un banda y aumenta sueldo minimo.

Den su investigacion, DIARIO a investiga documentonan y nan contenido y awe ta
presenta na pueblo e resultado di su investigacion, cu ta indica cu no por uza e rapport

di Conseho Social Economico, den cual sindicalismo y comercio ta uni cu gobierno pa
yega na un opinion.

DIARIO awe ta produci un resumen di e recomendacionnan di Conseho Social

Economico , cu a wordo entrega na November di 2018 ora Aruba tabata tin un crisis
local di propio produccion debi na e debe nacional y e proyecto fracasa di Citgo.

Na November di 2018 ora e rapport cu tabata base pa gobierno tin un sosten

sumamente limita (5-4) di Conseho Social Economico pa subi sueldo minimo, un di e
condicionnan importante pa esaki cu ta wordo menciona den e rapport tambe, a cambia
drasticamente.

E desaroyonan na Venezuela y e situacion mundial a presenta un panorama den cual
Citgo definitivamente a wordo condena na morto (si ta por lo pronto mester papia di
schijndood) debi na e problemanan di Venezuela.