Page 44 - AHATA

Aruba Airlines lo cuminsa cu dos vuelo pa siman, lantando vuelo pa 9.50 di mainta y

bolbiendo Aruba den oranan di merdia. E ruta aki, segun Jessica, ta bini na bon momento

pasobra hopi hende ta biahando fin di aña pa celebra e fiestanan di fin di aña cu famia. E

vuelonan aki ta tuma luga riba dialuna y diahuebs y den oranan di merdia tin e vuelo di

regreso.

Esaki ta e mas ultimo ruta Colombiano cu Aruba Airlines ta bay inaugura, ya cu pronto lo

tin tambe, dia 10 di december, e dos vuelonan pa Barranquilla, cualnan ta bula riba

dialuna y diabierna. E otro vuelo cu si ta tumando luga caba ta esun di Riohacha pa cual

tin hopi interes. Ta realisa e vuelonan aki riba diaranson, diabierna y diadomingo.

Pues aworaki Aruba Airlines ta ofrece un variacion di ruta pa Colombia, haciendo e

bishita pa e pais aki hopi mas accesibel pa ciudadanonan di Aruba.

Medellin

Medellín oficialmente yama Municipio de Medellin, ta e di dos ciudad mas grandi di

Colombia, despues di Bogota, y ta capital di Departamento di Antioquia.

Ta calcula cu e tin un poblacion di 2.5 miyon persona. Despues cu Colombia a haya su

independencia di Spaña, Medellin a bira e capital di estado federal di Antioquia te cu

1888, cu e proclamacion di Constitucion Colombiano.

Durante siglo 19, Medellin tabata un centro comercial dinamico, prome exportando oro y

despues produci y exportando koffie.

E area metropolitano di Medellin ta produci 67% di e GDP di Antioquia y 11% di

economia di Colombia. Medellin ta importante pa e region pa su universidadnan,

academia, comercio, industria, ciencia, servicio di salud, cultivo di flor y festivalnan.