Page 35 - Djarason 12 september 2018.pdf
P. 35
Djarason 12 Sèptèmber 2018 35
Gobièrnu ta sali na interes di
empresanan grandi i tambe mikro
WILLEMSTAD.- Mikro- ekonomia debidamente ta kontribuí na un kresementu
ekonómiko. Kresementu
ekonómiko ta ser determiná
dor di diferente aktor. E
ta ser influensiá dor di
kompanianan grandi,
mediano, chikí pero tambe
esnan mikro. I gobièrnu ta
presta atenshon na nan tur.
Esei di akuerdo ku Minister
di Desaroyo Ekonómiko sr.
Steven Martina.
Segun e minister, e
transformashon ku nos ta
asumiendo komo ekonomia
ta mustra ku kompanianan
mikro mas i mas ta hañando
forma. Tin hopi kompania
digital (Digital Nomads).
Tin hopi hende ku por
sinta traha tur kaminda na
mundu komo empresario di
nan propio kompania. Pues
esei ta e direkshon den kual
e ekonomia ta moviendo.
Pa tuma komo ehèmpel
e proyekto di Mikro Fiansa,
gobièrnu a pensa riba e
grupo ku ta para te abou
na e base, ku tambe tin nan
ideanan i ku ke kuminsá
ku un propio negoshi. I
ta e grupo aki ta bai haña
sosten via dje programa di
Mikro Fiansa. Manera ta
konosí, algun tempu pasá
gobièrnu den koperashon
ku Korpodeko a lansa e
proyekto di Mikro Fiansa
den kual ta duna fiansanan
chikí na hendenan ku tin
sierto idea pa lanta nan
propio negoshi. E grupo aki
lo tin di sigui un proseso di
training i sosten pa hasi e
grado di éksito mas haltu.
Segun Martina, e por
komprondé ku na momentu
ku duna fiansa na e grupo
aki, e persona ei ta kuminsá
ku un debe pasobra e mes
no tin kapital pa a kuminsá
ku su propio negoshi. Pero
ta p’esei tabatin henter
un proseso previo na e
selekshon ku a hasi, tin
un proseso ku ta bai start
den forma di training dor
di kual e chèns pa kualke
idea frakasá ta ser limitá.
Ta p’esei e proseso ku
ta kanando tambe ta un
proseso den kual ta monitòr
i duna sosten pa e grado di
éksito ta mas haltu.
E minister a duna di
konosé ku, di tur e hendenan
ku a bini na remarke pa un
fiansa, mas ku mitar di nan
lo ta eksitoso.
