Page 30 - UTILTIES DEC 14
P. 30
Esponteamente “Comision Weg Seroe Blanco” a acerca
N.V. ELMAR A decora rotonde di Weg Seroe Blanco/Weg
Fontein den ambiente di Pasco
Tuesday, 13 December 2016 18:52
Comparti
Mirando cu hopi rotonde den diferente bario a worde masha bunita decora caba door di diferente
instancia dunando asina e temporada di fin di anja aki un esfera fabuloso, N.V. ELMAR a considera e
peticion aki y dicidi di contribrui pa haci esaki posibel.
Den un siman di tempo e comision cu hopi entusiasmo y dedicacion a traha dia y anochi pa logra cu
diasabra ultimo director di N.V. ELMAR, Robert Henriquez a cende e luznan aki oficialmente memey di e
comision y bisiñanan di e bario cu a presenta cu hopi alegria dunando nan sosten na e proyecto bunita
aki den pueblo di San Nicolaas. Gaita di Mama Rosa tambe tawata presente pa trece e ambiente
musical. N.V. ELMAR Ta invita un y tur pa pasa admira e rotonde “adopta” pa ELMAR yama “Rotonde
Palo marga”. Un danki special ta bay na e “Comision Weg Seroe Blanco” cu boluntariamente a tuma e
inicitiativa pa trece un alegria extra den e bario di Weg Seroe Blanco/Weg Fontein y tambe na
trahadornan di Elmar cu a haci esfuerzo grandi pa den un tempo corto logra e conexion di coriente pa
ilumina e rotonde aki.
