Page 38 - HOSPITAAL
P. 38
Djaweps 15 Novèmber 2018 43
Parlamentario Mc William ke mas klaridat
relashoná ku rapòrt kontra dr. Faries
WILLEMSTAD.- Parlamentario Giselle Mc William ke klaridat
relashoná ku e rapòrt
kontra dòkter Faries. E
ta bisa di a tuma nota di
un rapòrt ku a lèk den
medionan di komunikashon
i di kual tin solamente
tres ehemplar kual unu
ta na RvB di SEHOS, unu
serka dr. Faries i unu na
Inspekshon di Salubridat.
Ku preokupashon sra.
Mc William tuma nota
kaminda mayornan i
pashèntnan di menor edat
nan sekretonan médiko a
wòrdu usá den un rapòrt
dor di un ‘verpleegkundige’
sin ningun klase di
outorisashon di mayornan
pa ku sekreto médiko di
nan yunan. Mas aleu e
mayornan tampoko a haña
“inzage” riba e rapòrt aki
despues ku e la wòrdu
traha pa asina sigurá ku
loke ta para den rapòrt
aki ta kuadra ku realidat.
Meskos ta konta pa e propio
dr. Faries ku nunka a haña
e oportunidat pa skuch’é
(wederhoor).
E manera kon henter
e prosedura aki a kana ta
kontra di hustisia i dignidat
humano, ku Frakshon
di MAN ta base di tur
prosedura ora ta atendé ku
hende.
Sra. Mc William ta kòrda
kon dia el a menshoná
dr. Misset su nòmber den
medionan di komunikashon
despues ku sala di
Operashon a buta trabou
abou pa motibu nan konosí,
el a wòrdu katalogisá dor
di Inspektor General komo
“kriminal”!
Ta sorprendé ku awor ku
a menshoná nòmber di e dr.
Faries i Inspektor General no
a ripití e palabra aki den e
kaso aki.
Frakshon di MAN ta
para pa hustisia i dignidat
humano. Mirando e
desaroyo aki el a tuma
nota ku a esunnan ku
interesnan maligno a
sòru pa lèk e rapòrt aki di
pashèntnan (menor edat) ta
kontra di dignidat humano
di e muchanan aki, nan
mayornan i dr. Faries.
Falta di transparensia i
outorisashon di mayornan
pa usa informashon di nan
yunan dor sin puntra nan
outorisashon i hasta bai
den nan dossier dor di otro
spesialistanan sin pidi nan
pèrmit. E spesialistanan
profeshonalnan ku a forma
parti di e tipo di prosedura
no étiko aki ta algu di
Sigui lesa pagina 44
