Page 5 - JUS DEC 29

Minister Dowers: Tur e nombernan usa pa e sospechoso
busca na Europa ta den sistema di autoridad di Aruba

Thursday, 29 December 2016 09:33
Comparti

E homber cu e engaña autoridad local y a keda sera pa basta tempo pa wordo deporta, awor ta den
man di husticia na Europa. Ademas awor tin cu hinca den sistema tur e nombernan cu el a uza den e
sistema y ta spera cu e no bolbe bek nos pais. Ta spera cu tur hende ta compronde, cu e unico rason
pakico a tene e persona aki largo den detencion no ta pasobra kier a maltrate of abusa di dje.

Aruba ta un pais ta respeta derechonan humano, un pais cu ta kere cu bo mester purba di procesa un
persona ilegal mas lihe posibel pa bandona e pais. Pero ora hendenan bin asina aki cu no tin
absolutamente ken e idea ta. Ta kere den e proteccion di nos pueblo y nos hendenan y tur hendenan
cu ta bishita nos tin cu bay ariba e aspecto cu e persona aki por cana liber den nos sociedad sin cu e
sa unda e ta bay of core risico den nos comunidad. Awor aki e persona aki ta for di nos sociedad y ta
haci un apelacion den minister overleg, caminda cu lo duna un splicacion con e caso aki a bay fout y
tambe haci mucho miho cu otro pa preveni tipo di casonan asina aki por pasa. Segun e minister, no
ta hopi cla di e crimennan cu e persona a comete, pero si cu e tabata wordo busca pa falsificacion di
documento. Loke a wordo informa cu Austria tabata interesa pe y awor aki no ta nos problema mas.
E no a wordo uitgeleverd for di pais Aruba. El a wordo deporta for di nos pais. Minister Dowers lo
bay haci un esfuerso pa traha estrecho cu e partnernan den reino pa preveni tipo di hende asina pasa
den un di nos teritorionan y keda pa un temporada largo. Si e persona aki a wordo manda bek lihe cu
su paspoort, por a mande bek Latino America for di unda el a bin. Pero door cu el a wordo manda sin
paspoort y nos a ricibie, a hinca nos den un problema basta serio.

Ta cosnan cu tin cu preveni acosto di tur cos, segun minister Dowers. E por tabata tin contacto cu
mas hende, pero no conoce su contactonan. Un dado momento tin cu bisa, cu no sa si tin hende cu
conoce. E minister ta haya cu cierto informacionnan cu a sali cu por ta tin hende a yude saca cual no
ta corecto. E ta un proceso cu no tabata kier pa nada bay fout y pa e bay haci fastioso aki den un
trayectoria legal, a escoge pa no duna mucho publicidad na esaki e tempo ey. Segun e minister, pa
interes tabata pa sake for di nos pais manera cu tabata por. E individuo a bisa cu e por a haya su
documentonan pasobra tabata tin informacion cu e lo por a haya esakinan for di Rusia. A dune un
meldingsplicht pa busca su documentonan, cual e no a haci tampoco. A resulta cu el a bin di algun
tempo ilegal y despues autoridad a bin pikie bek.