Page 77 - JUS DEC 29
P. 77
Piloto di KLM a bira ciego door di
un laser
28 December, 2016
0
Un piloto di KLM a bira ciego door di un laser berde cu a afecta su wowo net na
momento cu e tabata aterisando un avion na Bremen, Alemania. E hulandes di
31 aña a bira ciego door di un rayo di laser na momento cu e tabata aterisando
su avion na e aeropuerto di Bremen. Asina mes e hulandes a sa di trece su
avion, cu 31 pasahero y 4 miembro di tripulacion a bordo, sano y salvo na tera.
Niun hende a resulta herida. Te ainda no a logra detene un culpabel pa e acto
aki.
E incidente a tuma lugar diasabra pero a sali na claridad diaranson. E avion a
sali for di Amsterdam rumbo pa Alemania. Na altura di Achim cu ta keda este di
Bremen, un hende a dirigi un rayo di laser riba e avion. Un persona cu haci un
piloto ciego por medio di rayonan di laser por haya un castigo maximo di 10
anja na Alemania. Na hulanda e castigo maximo ta 15 anja.
