Page 58 - MIN VOS

A18

DEPORTEDiamars 16 Mei 2017

Yankees ta retira Jeter su number 2 y devela su plakkaat di Monument Park

NEW YORK (AP) – Derek Jeter a tene un microfon y a papia cu
e publico cu a yena un Yankee Stadium sold out. Su number 2, e
ultimo number di un cifra cu Yankees tabatin disponibel, a wordo
retira y un plakkaat dedica na su honor cu lo wordo poni den Mon-
umento Park hunto cu otro tributo na Ruth, Gehrig, DiMaggio,
Mantle, Berra, Rivera y e resto di e gran hungadonan den historia
di Yankees.
“Mi ta bisa masha humildemente,” el a bisa e fanaticonan, “no tin un perso-
na of hungado cu lo mi kier cambia luga cu ne, niun hungando awo of den
historia.”Tres aña despues cu el a retira di baseball, cu un carera cu a dura
di 1995 pa 2014, Jeter personalmente a scoge Dia di Mama pa su tributo. Su
wela, mayornan, ruman muhe, subrino y su esposa cu ta na estado, a join
e pa e ceremonia. El a hari ora cu el a mira e plakkaat, cu tin skirbi “Derek
Sanderson Jeter/ E capitan/ Mr. November, e fundeshi di 5 campeonato
World Series, y un lider riba veld y den clubhouse, cu a pone un ehempel
pa su compañeronan di ekipo cu su deseo incomparabel pa exito di ekipo.”
Jeter a bisa cu el a pensa riba cu compañeronan di ekipo nan plakkaat, Ber-
nie Williams, Jorge Posada y Andy Pettitte.
“Ora cu Bernie a haya di dje, e tabatin e lunar grandi. Ora Jorge a haya di
dje, e tabatin e horeanan grandi. Di Andy tabatin e nanishi grandi. Pues mi
ta contento cu di mi”, Jeter a bisa.Awo cu 42 aña, Jeter tabata e capitan pa
su ultimo 12 temporadanan, culminando un carera cu a inclui 5 titulo di
World Series y un record pa New York di 3465 hit. E ta e di 22 hungado pa
tin su number retira pa Yankees, cual ta e cantidad di mas grandi entre tur
ekipo di MLB.“Mi kier gradici mi famia pa nan amor, sosten, honestidad
y hopi mas importante nan presencia na tur cos cu mi haci riba veld y den
bida diario”, el a bisa durante su discurso di 3 minuut na final di e ceremo-
nia di 40 minuut. “Y e fanaticonan, - waw – mi kier gradici boso pa pusha
mi, pa reta mi, pa tene mi responsabel, y mas importante pa acepta mi di e
prome dia.”
Jeter a dicidi di duna su discurso sin anotacion.
“Ora cu mi prepara discurso, mi ta lubida parti di dje, y e ora e no tin
niun sentido”,el a bisa.Su ex compañeronan di ekipo Mariano Rivera, Paul
O’Neill, Tino Martinez, David Cone y Hideki Matsui tambe tabata pre-
sente.Un di e doñonan di Yankees, Jennifer Steinbrenner Swindal a duna
Jeter un renchi di oro blanco di 14 karaat cu ‘2’ den diamanta, rondona pa
mas diamanta.