Page 4 - HOSPITAAL
P. 4
DR. JOEL RAJNHERC: PA FIN
DI OTRO AÑA E TRABAONAN
RIBA IMSAN MESTER
FINALISA
31 August, 2018, 1:00 pm
E renobacion y expansion di Imsan a cuminsa dia 2 di Juli ultimo, y e tin un inversion
cuantioso. E trabaonan mes lo tin un duracion di 18 luna. Den otro palabra, pa fin di otro
aña nos lo mira e resultado final di e trabaonan, ademas, cu un departamento
completamente nobo, sin conta e otro departamentonan cu lo wordo mehora.Fuera di e
trabaonan cu lo tumando luga caba, e servicio por lo general lo bay ta di un nivel
superior…Dr. Joel Rajnherc, director di ImSan, ta splica cu no mester lubida cu nan
tabata tin un fiansa caba. E fiansa nobo ta pa caba cu esun bieu cu tabata tin y e
inversionnan nobo cu ta haciendo ta aproximadamente 55 miyon florin. Esey ta nifica cu
nan ta haci henter e construccion, pero tambe ta haci e compra di tur e ekipo medico nobo
cu tin mester y ta haya e entrenamento pa eleva e calidad di e servicio cu ta brinda door
di e personal di Baptist Health South Florida, cual ta guia Imsan pa haya e JCI
Accreditation. Tur esaki ta inclui den e financiamento. https://24ora.com/dr-joel-rajnherc-
pa-fin-di-otro-ana-e-trabaonan-riba-imsan-mester-finalisa/
