Page 30 - FLIP

Glenbert Croes: MEP lo elimina tur parkeermeters na Aruba

Friday, 21 April 2017 23:39
Comparti

Riba dia 22 di september proximo pueblo lo vota tambe pa elimina tur parkeermeters na Aruba. E unico partido cu a
compromete su mes pa elimina tur parkeermeters ta MEP, asina Glenbert Croes a duna di conoce. No por warda mas
cu e decision aki. A keda comproba cu parkeermeters a mata Playa, parkeermeters a mata comercio, a mata nos
pueblo y parkeermeters a mata nos trahadonan den Playa.

Gobierno tin e obligacion di eternamente subsidia Arubus como nos compania nacional di transporte publico pa
asina por sigui brinda nos pueblo un tarifa social pa nos pensionadonan, nos trahadonan, nos studiantenan y nos
pueblo en general.
Aruparking ta capricho y castigo di Gabinete Mike Aman2 cu supuestamente lo mester a genera e fondonan pa yuda
Arubus pa asina Gobierno por a stop subsidio. Kico ta e situacion awor? Arubus ta den problema financiero y
Aruparking ta den problema financiero. Ademas nan a mata comercio unda tin 57 tienda cu a cera, trahadonan cu a
perde nan trabao, pueblo cu ta pagando parkeermeters inhustamente sin haya niun servicio a cambio pa e pago, e
trahadonan cu ainda ta trahando den e poco tiendanan den caya cu apenas ta gana un salario minimo ta wordo
castiga cu e pago di parkeermeters, y pa colmo Gobierno y AVP ta e unico nan te ainda cu no ta tende e grito y dolor
di tur hende perhudica. Awel ta momento pa nos tur como conciudadanonan tuma e decision hunto pa nos tur vota
pa elimina e parkeermeters 22 di september proximo.
Algo positivo cu nos mester saca como les di e experiencia amargo di parkeermeters ta e necesidad pa parkeermento
tuma luga na un forma ordena den e luga designa en bista cu parkeer ta bira gratis atrobe dor e decision di e
Gobierno nobo di MEP. Pero no por parkeer riba trottoir, acera o di forma desordena. Pesey e gobierno di mep lo
retene e parkeerwachtersnan di Aruparking na trabao pa den cooperacion cu polis nan coordina e control den playa
riba e tema aki.
Finalmente: e voto pa MEP ta e unico garantia cu parkeermeters lo wordo elimina.

http://www.24ora.com/index.php?option=com_content&view=article&id=121060:glenbert-croes-mep-
lo-elimina-tur-parkeermeters-na-aruba&catid=12:politica&Itemid=18