Page 54 - MIN ECEM

Prome Minister Mike Eman y Presidente Juan Manuel
Santos ta confirma: Aruba y Colombia por mix estadia di e

turista pa Eco Turismo

Thursday, 02 February 2017 22:50
Comparti

Na Aruba den e buki di Bird Life Conservation, Tin mas di 900 especie di parha publica y
durante e intercambio aki, sr. presidente di Colombia Juan Manuel Santos a bira hopi
entusiasma cu e idea cu por haya un combinacion di turismo,

caminda cu turista ta bin por keda tiki mas largo, por ehempel di Europa, ta bin Aruba, ta
hospeda algun dia na Aruba, pa e partinan cu ta enfatisa riba dje. Naturalmente nos beachnan
ta conoci, pero lo enfoca tambe riba ecoturismo, e parti di Birdlife ta birando mas y mas
importante tambe. E ta wordo sumamente promovi den mundo internacional.

Tin un cantidad grandi y creciente di persona cu ta biaha pa bay mira parha distinto den
diferente parti di mundo y por bay ofrece biahe, estadianan combina, caminda cu un persona
ta bin algun dia Aruba y ta bay algun dia Colombia y esaki ta algo cu ta intercambia cu
presidente Santos y durante su discurso, el a capitalisa riba e pensamento aki, el a presenta
tambe e idea cu Colombia ta para tras e pensamento cu a intercambia cu e presidente, pa mira
con por combina e tipo di turismo asina. Pa Aruba naturalmente esey lo engrandece nos oferta
banda di tur loke ta ofrece. Por bay ofrece tambe biahenan mixto cu un pais manera Colombia
cu ta creciendo den interes den mundo, pa motibo di a logra di reduci e insiguridad
enormemente. Awor tambe cu e acuerdo di paz, otro aspecto di intrankilidad y insiguridad
poco poco ta wordo elimina. Asina Colombia ta creciendo tambe den atraccion. Semper e
tabata un pais bunita, un pais cu un comunidad sumamente hospitalario, pero semper tabata
tin e aspecto di insiguridad. Mirando con esaki ta reduciendo awo, ta mira cu e cantidad di
turismo y interes pa Colombia ta creciendo enormemente. Un pais sumamente bunita y un
variacion di topografia excepcional den mundo cual ta trece un variacion di flora y fauna
sumamente grandi y ta haci Colombia un di e destinacionnan mas atractivo den mundo pa
ecoturismo. Si por acopla na Aruba na esey, ta crea un producto hopi special, mirando tanto e
gobernador a reacciona positivo, pero tambe e alcalde di Pereira, tambe Camara di Comercio,
presidente Santos, a reacciona positivo, ta pa importante pa capitalisa riba esaki y mira con
por, hunto cu ATA y crea un diversificacion importante den e tipo di turista y e motivacion
pakico turista ta bin Aruba.