Page 6 - ARUBA BANK

Aruba Bank su presentacion a ser dirigi pa e team di proyectonan y innovacion, den e caso aki Sr. Arthur Frans
y Sr. Nigel Wix cu a enfoca riba e aspectonan importante di transformacion digital na Aruba Bank.

Topiconan cu a ser duna a enfoca mas riba e evolucion di tecnologia y a uza como ehempel transformacion di

telefon durante di e ultimo 150 aña.

Pa Aruba Bank, transformacion digital ta e proceso caminda un organisacion ta sigui haci uzo di tecnologianan

digitalisa. Door di e proceso di transformacion digital, e banco pionero di Aruba ta spera di por crea
experiencia superiornan nobo pa e cliente.

Tambe ta hopi importante pa Aruba Bank por crea experiencianan personal basa riba e data y feedback di
clientenan. Ehempelnan cu ta wordo uza tambe ta con e procesonan ta wordo automatisa pa asina mehora e

parti operacional door di reemplasa trabounan manual pa asina por scapa mas tempo pa empleadonan cu por
traha mas lihe y pa asina por tin mas tempo pa enfoca riba e importancia di duna un bon experiencia na un
cliente.

Door di transformacion digital, Aruba Bank lo por reacciona lihe na cambionan den tecnologia of den e
mercado pa asina colabora mas eficiente cu partnernan rond mundo, comunica cu clientenan door di uza
cualkier plataforma cu ta sostene e negoshi cu actividadnan diario basa riba tecnologia moderno pa asina
provee e clientenan un experiencia personal.

E presentacion tabata uno hopi bon ricibi door di esnan presente. E team di Aruba Bank tabata contento pa
comparti nan experiencia cu tranformacion digital bancario na Aruba.