Page 37 - AVP

barbaramente riba tereno social. Creando un crisis cu no ta un dos tres nos ta bay sali di
dje.

Tin biaha ta bon pa refresca su memoria kico nan a ocasiona y a laga atras riba tereno
social:

Un lista di espera di 2 pa 6 luna na Sociale Zaken, otro di mas cu 1 aña na Bureau
Sostenemi, di 120 persona na Voogdijraad y mas cu 100 persona na SVGA y asina mi
por keda menciona.

Alrededor di 150 caso di violencia domestico pa luna a keda registra pa KPA na aña 2016
sin cu Gobierno un dia a atende cu e situacion aki debidamente.

Segun Sociale Zaken un di cada 5 famia aki na Aruba ta biba den pobresa. Un realidad
tristo y cu nunca a haya e atencion di Gabinete Mike Eman, según Shailiny Tromp Lee.

Ora cu Parlamento tabata prepara pa trata presupuesto 2018 fraccion di MEP a sinta cu
diferente instancia, departamento y fundacion cu ta traha den e veld social y nan tabata
grita pa atencion, nan tabata grita pa inversion.

Mas cu tur cos nan tabata grita pa nos mucha y hobennan, pa nos famianan, p’e
decadencia cu nos pais ta aden.

Den diferente raport di e veld social e crisis social ta keda constata. Awe nos ta
cosechando e falta di inversion y atencion den e area social di parti di AVP y Mike Eman.
Nan a bay laga atras un keten social tur mal tranca!

P’esey mes durante reunion publico di dia 19 di augustus 2019 Shailiny Tromp-Lee a
enfatisa e hecho cu nos no mester lubida nunca loke e Gobierno actual a hereda. Nos no
por y no mag di lubida e situacion di crisis cu nos pais ta aden. Pasobra contrario na
deseo general, deseo di dje y di tur otro persona sinta den Parlamento, den 20 luna di
tempo – bou di e condicion financiero conoci – bo no por soluciona e situacion di crisis
aki.