Page 19 - FDLP
P. 19
ORANJESTAD (AAN) – Campeonato Heineken fast pitch di Aruba Softball Bond dedica
na baluartenan Jacobo Jansen y Gilbert “Nando” Maduro a continua riba canchanan na
Pos Chiquito.
Den promer wega di Play off den un serie di best out of 3 Black Joker kende a clasifica
number 2 den campeonato a derota Logros kende a clasifica number uno cu score di
11-10.
Black Joker ta pica ariba 1-0 den cabez di promer inning y ta amplia cu 3 careda mas
den di tres inning. Logros ta anota 2 careda den bom di 3 pa corta e ventaha 4-2. Black
Joker sinambargo a bin dicidido y ta score 2 mas den 5 y 2 mas den 6 y 3 careda mas
den cabez di 7.
Faltando 3 out den bom di 7 Logros a rally y Black Joker a keda soda pa finalmente
complete e tercer out despues cu Logros ta anota 7 careda.
Cu basenan jen cu un solo out un rolling pa tercera Genaro Girigorie ta ranca bay home
pero Johnny Winterdaal ta drenta e bala bunita y ta rifla home unda e catcher ta retene
e bala y ta tag e coredor pa complementa un bunita out y sigur un out importante.
Boxscore final Black Joker 11 careda, 11 hit, 7 error y ta laga 8 coredor na base. Logros
10 careda, 10 hit, 5 error y ta laga 13 coredor den circulacion. Mihor bateadornan pa
Black Joker ta Eldrick Maduro di 5-2, Brian Courtar di 4-4, Glenrick Marchena di 3-2 cu
3 careda impuha, Gioshua Maduro di 2-1.
