Page 83 - FDLP

ORANJESTAD (AAN) – Pa cu e categoria di Senioren Damas e wega final di beach
volleyball a bay entre e damanan Kayla Arends/Shaira Mackay y Mali Rafini/Jackie

Toussaint.

For di comienzo e wega tawata tenso y ambos equipo por a bira e team ganador. E
publico por a biba e momentonan preta di e atletanan pero alabes por a goza di un
bunita wega final. E final a bay “best out of 3” y e atletanan a bay te e set maximo.

E prome set a wordo gana pa e team di Mali y Jackie cu e score di 21-17 mientras cu e
di dos set a bay cu e score di 21-16 pa e team di Kayla y Shaira. Den e di tres set

ambos team a sali fuerte, decisivo y ambos duo a hunga todo por todo den e seta aki y
a sa di duna bataya na otro.

Finalmente e duo di Kayla Arends y Shaira Mackay a vence e team di Mali Rafini y
Jackie Toussaint cu e score di 17-15 pa asina nan bira e campeonnan.

For di mannan di Presidente di Aruba Volleyball Association sra. Filomena Daniel-Curiel
y Referee sr. Richard Werleman e ganadornan a ricibi nan medayanan y trofeonan.

Aruba Volleyball Association ta felicita e atleta y teamnan ganador y ta gradici e duo di
Sabrina Aponte y Dyrienne Geerman pa nan participacion!

https://www.diario.aw/2019/06/team-kayla-y-shaira-a-bira-campeon-senioren-damas-di-torneo-
volleyball/