Page 26 - HOSPITAAL

Sr. Ezzard Cilié, Director di cuido na Hospital a felicita Ruthmila Odor-Croes pa ta e empleado di luna y a
duna di conoce cu e ta orguyoso di e trabou cu e ta haci.

Ruthmila a crece hopi durante su carera y tabatin diferente funcion. Na aña 2017 ela bira manager di e

departamento, e actual B3. Den menos di un aña hunto cu su team, e departamento ya caba a experencia
cambionan positivo. Esaki ta wordo mira tambe den e feedback cu ta ricibi di pashentnan. Ruthmila hunto cu
su team ta trahando duro pe prome stroke unit na Aruba. A dedica hopi tempo y pasenshi pa motiva

empleadonan unda cu ela mira hopi potencial.

Ruthmila ta enfoca riba e experencia di e pashent y su famia, pero no ta lubida riba su empleadonan. Durante
su tempo a traha riba zorgpad, consult di telefon, reduci heropname, mehora experiencia di pashent, organisa
‘refereeravonden intern y extern, diferente klinische les y foyeto pa pashent. Ruthmila ta un persona hopi

social, habri pa idea nobo y ta motiva su empleado. E ta duna chens pa su empleadonan crece y bin cu idea y
iniciativanan. Ruthmila ta demostra profesionalismo y pasion pa su trabou y ta pone enfasis riba un bon
teamwork. Esaki no solamente cu su empleadonan, pero ta tambe cu dokternan y otro departamento.

Ruthmila Odor-Croes mes a haya e momento aki hopi great y tabata un sorpresa grandi p’e. El a duna di
conoce di a ripara cu e team tabata extra druk, pero e no por a gara nan. Su dia tabata yena cu diferente
meeting cu tur su coleganan, kendenan tabata pasa cerca dje pa distrae. E tabata sorprendi di a mira hasta su
mayornan, casa y yiu presente. Nan a organisa e dia aki hopi bon y e ta sumamente gradici pe reconocemento.

“E tabata hopi leuk pa cu mi famia por tabata parti di mi otro bida, cu ta Hospital. Nos ta pasa hopi di nos bida
den e trabou aki”, el a duna di conoce. E tin 20 aña trahando den hospital, di dialuna pa diabierna y tin biaha

hasta den fin di siman.

Cooperacion ta hopi importante pe y Ruthmila ta duna semper extra di su parti. Ela demostra di tin un

stimacion grandi pa su trabou y su team. Pabien Ruthmila cu e bunita reconocimento aki.