Page 22 - MIN SOC

Menos stranhero a pidi permiso regular na DIMAS

Publication: Thursday, 19 January 2017. Categoria: General
Durante 2016 tabatin aumento drastico den peyticion pa extende estadia turistico

ORANJESTAD (AAN): Den 2016 DIMAS a registra un bahada
leve pa locual ta trata e peticionnan pa permiso regular y un aumento drastico den e cantidad di peticion pa
extension di estadia turístico
Bahada leve den peticion pa permiso di estadia:
Den aña 2016 DIMAS a registra un total di 14.626 peticion pa un permiso di estadia. Esaki ta poco menos compara
cu aña anterior, unda a registra 15173 peticion pa un permiso di estadia.
E reparticion di e cantidad di peticionnan pa un permiso di estadia cu ta relata na trabao compara esnan cu no ta
relata na trabao, no a conoce mucho cambio, si compara e cifranan di 2015 cu esun di 2016.
Pa locual ta trata e peticionnan den 2016 cu ta relata na trabao por deduci cu un total di 49,5% ta pa trabao cu pago
regular, 21,7% ta pa empleado domestico, y e sobra ta reparti bou otro categorianan.
DIMAS tin segun ley un termino di 12 siman di tempo pa procesa un peticion y por extende e termino aki cu 12
siman adicional. DIMAS a logra den 2016 di contesta 81% di e cantidad di peticionnan pa un permiso di estadia
dentro di 12 siman. A aproba un total di 61% di e peticionnan pa permiso di estadia, a desaproba 20 % y e sobra
falta ainda pa haya un contesta for di DIMAS.
Por nota den 2016 un aumento den e porcentahe di peticionnan nenga pa un permiso di estadia compara cu e
añanan anterior. Esaki ta debi na algun factornan entre otro: (*) Cu ta constata cu e declaracionnan di conducta no
ta na ordo of no por a verificanan. (*) Ta constata cu e personanan pa cual ta pidi un promer permiso ya ta na Aruba
caba mientras cu segun maneho nan mester warda contesta riba e promer permiso den exterior. (*) Ta uza
documentonan falso (entre otro payslip) pa comproba un entrada anual cu ta ficticio, falsifica of no ta conforme
locual a declara na instancianan gubernamental.DIMAS ta verifica y certifica informacion suministra, entre otro cu
Departamento di Impuesto y cu SVb. (*) Aumento drastico den extension di estadia turistico.
Pa locual ta trata e estadia cortico, DIMAS a registra 4.617 peticion pa un extension di e estadia turistico den 2016.
En comparacion cu aña 2015 por papia di un aumento considerabel. Di cual e nacionalidad cu a predomina den 2016
ta esun Venezolano y igual cu e añanan anterior por constata cu un gran mayoria di e peticionnan pa extension di e
estadia turistico ta trata di e categoria di turista cu ta keda na cas y bou garantia di un famia.