Page 14 - ARUBA AIRLINES

Published on November 28, 2016 in Corte/SPLASH
ORANJESTAD , Aruba

No ta di awo, pero pa algun tempo caba Tiara Air tabata confrontando cu diferente problemanan
pa por sigui opera. Tabatin un grupo di empleado cu a keda fielmente cu e compania , pero
tambe tabata spera cu e compania por a para riba pia pa asina por a cumpli cu loke a palabra,
sinembargo e compania no a logra. Tiarra Air a cuminsa bay atras na momento cu Venezuela no
a cumpli cu su pagonan, ta trata aki di mas cu 25 miyon florin, sinembargo e compania su debe
na Aruba a keda subi y a yega na un momento cu no por a maneha esaki mas.

Ultimo tempo Tiarra Air a trata di subi su vuelonan un biaha mas pa Curaçao pero tabata
solamente un vuelo a cumpli cu ne, kico ta e motibo cu a stop cu esaki no ta conoci. E
trahadonan a keda kere den e compania, pero hopi tempo a pasa y no ta kere den esaki mas
mirando cu no ta mira un adelanto cu nan pagonan atrasa y tampoco di esunan di futuro, esaki a
pone cu e trahadonan a dicidi di manda e compania bancarota y hues a pronuncia esaki tambe.
Awor Tiarra ta failliet y un curator lo atende cu tur loke e compania a keda cu ne y wak kico lo
por saca di esaki.