Page 2 - AWEMAINTA
P. 2
2 AWEMainta Diabierna, 22 Maart 2019
Auto di Polis a keda total loss den
persecucion di un Hit & Run chikito
UN accidente chikito na Piedra Plat unda cu e chauf-
feur a sigui core a causa un tumulto cerca Polisnan cu
a cuminsa un persecucion cu a resulta cu mas daño si
a simplemente wak cameranan rond pa mira cual ta e
auto aki.
Pa mas o menos 7’or di anochi Polis ta raporta un caso
di Hit 7 Run banda di Wen Kee na Piedra Plat. Un
auto a dal tras di un vehiculo di Pizza Hut y a huy for
di e sitio.
Mester remarca c una hopi estado na Merca no ta haci
persecución mas hustamente pa evita cu mas daño ta
wordo causa. Y e caso aki ta prueba di e pensamento
aki, pasobra e daño na e vehiculo di Pizza Hut tabata
minimo. Si a investiga cameranan den bisindario ki-
sas por a haya sa kende e chauffeur aki ta. Awo tin
dos auto cu basta destruccion, palo di luz kibra y e
chauffeur probablemente no por paga e gastonan y ta
prefera di sinta e dianan, cual lo no ta hopi tampoco.
Despues di e accidente a sigui un persecucion y hasta
a haci uzo di helicopter cu tabata den aire y a bati
alarma pa patruyanan pariba di brug. E Polis a sigui
e chauffeur cu a pasa den Rooi Frances, sigui den Sa-
bana Basora. Mientrastanto a saca un patruya for di
San Nicolas cu a baha pa yega direccion di Pos Chiq-
uito pa yuda nan coleganan. Pero ya caba na altura
di Cura Cabay a hay’e envolvi den un accidente cu a
laga e vehiculo policial nobo total loss. Tabatin un otro
auto mas cu a keda destrui un palo di luz di ELMAR
cu a kibra.
Mientrastanto na Serlimar na Pos Chiquito a logra
para e auto en cuestion y a detene e chauffeur. Un caso
cu no tabata di dificil ni di e grandi aki pa el a causa
asina hopi consternacion y trece trafico na peligro.
