Page 28 - AWEMAINTA

28 AWEMainta Diabierna, 22 Maart 2019

Deporte di Beach Tennis

Aruba presente na Juegos Suramericanos de Playa

PA di 4 biaha den historia, ta organisando e weganan

“Juegos Suramericanos de Playa” cual ta wordo organisa e

aña aki na Rosario, Argentina. Pa Aruba, esaki ta nifica e
prome biaha cu ta participando n’e torneo aki. Anterior-

mente e torneo aki a wordo organisa na 2009 na Uruguay,
2011 na Ecuador y den 2014 na Venezuela.

Na Uruguay un total di mas di 1000 participante di 15
pais a participa den 10 deporte, na Ecuador un total di

1000 participante di 13 pais participando den 10 deporte.

Na Venezuela e cantidad di participante a subi na 1200
entre 14 pais. E aña aki, tin un total di 14 pais partici-

pando, cu un total di 1300 participante den 13 deporte.

Un cos ta sigur, cu e deporte di playa ta creciendo den e
region di Sur America.

Pa loke t’e ekipo di Aruba, den e deporte di Beach Tennis,

nos ta conta cu Aksel Samardzic, Sander Castro, Domi-

nique Hopman y Maud Claire. Nombernan conoci na
Aruba den e deporte aki.

Diarazon anochi a tuma lugar e draft p’e diferente catego-
rianan cu lo wordo hunga: Men’s Singles, Women’s Sin-

gles, Mix Doubles, Men’s Doubles y Women’s Doubles.

Aki nos ekipo lo cuminsa contra e siguiente paisnan: Men
Singles: Aksel Samardzic vs Ecuador, Sander Castro vs

Chile.

Women Singles: Dominique Hopman vs Brazil, Maud
Celaire vs Argentina. Mix Doubles: Aksel & Dominigue

vs Uruguay.

Men Doubles: Aksel & Sander vs Venzuela. Women Dou-
bles: Dominque & Maud vs Chile.

E seleccion di Aruba sigur tin lunas ta train p’e weganan

aki, y por tuma nota di nan e confiansa cu nan tin di por

yega di trece bek medaya pa Aruba.
Por a tuma nota cu e clima na Argentina ta basta frieu

compara cu Aruba cual sigur ta haci efecto riba e partici-
pantenan di otro pais.

Pero nos seleccion tin ya 2 dia presente na Argentina y a

train tur dia pa purba na climatisa nan mes n’e condicion
di e tereno y e clima. Nos lo keda pendiente p’e resultado

di e prome buelta p’asina nos comunica esaki na e pueblo

di Aruba